جنوبی لبنان میں اسرائیلی فضائی حملے، 9 افراد جاں بحق، متعدد زخمی
بیروت: (دنیا نیوز) لبنان کے جنوبی علاقے میں اسرائیلی فضائی حملوں میں کم از کم 9 افراد جاں بحق ہو گئے ہیں، جن میں ایک خاتون بھی شامل ہے۔
لبنان کی قومی خبر ایجنسی کے مطابق نبطیہ ضلع کو نشانہ بنانے والے ان حملوں میں مجموعی طور پر 9 افراد کی موت ہوئی جبکہ بارہ افراد زخمی ہوئے، جن میں 2 خواتین بھی شامل ہیں۔
اسی طرح طائر ضلع میں واقع قصبے حنویہ پر کیے گئے ایک اور حملے میں 10 افراد زخمی ہوئے جن میں ایک شخص کی حالت تشویشناک بتائی جا رہی ہے۔
قصبے معرکہ پر ایک اور حملے میں 7 افراد زخمی ہوئے، جن میں ایک بچہ اور 3 خواتین شامل ہیں۔
