سینیٹ اور قومی اسمبلی کے اجلاس طلب، وفاقی بجٹ 12 جون کو پیش کئے جانے کا امکان
اسلام آباد: (دنیا نیوز) سینیٹ (ایوان بالا) اور قومی اسمبلی (ایوان زیریں) کے اجلاس کل طلب کر لئے گئے، جبکہ وفاقی بجٹ 12 جون کو پیش کئے جانے کا امکان ہے۔
ذرائع کے مطابق قومی اسمبلی کا اجلاس کل شام 5 بجے، جبکہ سینیٹ کا اجلاس کل شام 4 بجے طلب کیا گیا ہے، دونوں اجلاس طلب کرنے کی سمری صدر مملکت کو بھجوا دی گئی ہے۔
سماجی رابطے کی ویب سائٹ ایکس پر اپنے پیغام میں وفاقی وزیر پارلیمانی امور طارق فضل چودھری نے کہا کہ بجٹ 12 جون کو پیش کئے جانے کا امکان ہے
— Dr. Tariq Fazal Ch. (@DrTariqFazal) June 9, 2026
ذرائع کے مطابق بجٹ منظوری کے تمام مراحل ایک ہفتے میں مکمل کرنے کا فیصلہ کیا گیا ہے، بجٹ پر بحث مختصر رکھی جائے گی، قومی اقتصادی کونسل کا اجلاس ایک بار پھر ملتوی کر دیا گیا جو کہ اب آج کے بجائے کل ہوگا۔
