انگلش پریمیئرلیگ :مانچسٹر سٹی اور برینٹ فورڈ کی ٹیمیں کل مدمقابل
لندن : (ویب ڈیسک ) انگلش پریمیئر لیگ میں (کل) بدھ کو مزید ایک میچ کھیلا جائے گا جس میں دفاعی چیمپئن مانچسٹر سٹی اور برینٹ فورڈ کی ٹیمیں اتحاد سٹیڈیم ، مانچسٹر کے مقام پر نبرد آزما ہوں گی ۔
انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے، ای پی ایل دونوں ٹیمیں 24،24 میچز کھیل چکی ہیں۔
دفاعی چیمپئن مانچسٹر سٹی کی ٹیم 16 میچز میں فتح کے بعد 53 پوائنٹس کے ساتھ ای پی ایل ٹیبل پر تیسرے نمبر پر ہے جبکہ برینٹ فورڈ کی ٹیم بھی 24 میچز کھیل چکی ہے اور وہ سات میچز جیت کر 25 پوائنٹس کے ساتھ ٹیبل پر 14 ویں نمبر پر ہے۔
یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔
مانچسٹر سٹی کی ٹیم ای پی ایل میں اپنے اعزاز کا دفاع کرنے کیلئے کوشاں ہے جبکہ لیور پول کی ٹیم پوائنٹس ٹیبل پر سب سے زیادہ 57 پوائنٹس کے ساتھ ٹیبل پر ٹاپ پوزیشن پر موجود ہے۔
