دبئی ٹینس: جیسمین پاؤلینی اوراینا کالنسکایا فائنل میں پہنچ گئیں
دبئی : (ویب ڈیسک ) جیسمین پاؤلینی نے سورانہ کرسٹیا اور اینا کالنسکایا نے عالمی نمبر ایک ایگا سوئیٹک کو شکست دے کر دبئی ٹینس چیمپئن شپ کے فائنل میں جگہ بنا لی۔
ڈبلیو ٹی اے کے زیر اہتمام دبئی میں جاری ویمنز ٹینس چیمپئن کے پہلے سیمی فائنل میں اٹلی کی جیسمین پاؤلینی نے رومانیہ کی سورانہ کرسٹیا کو دلچسپ مقابلے کے بعد 2-6 اور 6-7 سے شکست دے کر فائنل تک رسائی حاصل کی۔
ٹورنامنٹ کے دوسرے سیمی فائنل میں روس کی اینا کالنسکایا نے عالمی نمبر ایک پولینڈ کی ایگا سوئیٹک کے خلاف سٹریٹ سیٹس میں 4-6 اور 4-6 سے کامیابی حاصل کر کے فائنل کے لیے کوالیفائی کر لیا ۔
