نیوز الرٹ
  • بریکنگ :- خیبرپختونخوابلدیاتی انتخابات،دوسرےمرحلےکاشیڈول جاری
  • بریکنگ :- دوسرے مرحلےکےبلدیاتی انتخابات کیلئے پولنگ 27 مارچ کو ہوگی
  • بریکنگ :- کاغذات نامزدگی 7 تا 11 فروری تک جمع ہوں گے،الیکشن کمیشن
  • بریکنگ :- کاغذات کی اسکروٹنی 14 تا 16 فروری کوہوگی،الیکشن کمیشن
  • بریکنگ :- انتخابی نشانات 28 فروری کوالاٹ کیےجائیں گے،الیکشن کمیشن
Coronavirus Updates

ایم کیو ایم وفد کی ن لیگی رہنماؤں سے ملاقات،سندھ کا بلدیاتی نظام مسترد

کراچی:(دنیا نیوز)متحدہ قومی موومنٹ پاکستان (ایم کیو ایم)کے وفد نے کراچی میں مسلم لیگ ن کے رہنماؤں سے ملاقات کی اور آل پارٹیز کانفرنس میں شرکت کی دعوت دی جبکہ سندھ کے نئے بلدیاتی نظام کو مسترد کرتے ہوئے ن لیگ اور ایم کیو ایم نے سڑکوں پر آنے کا عندیہ دے دیا ہے۔

اس موقع پر گفتگو کرتے ہوئے ایم کیو ایم کے رہنما عامر خان نے کہا کہ ہر سطح پر احتجاج کریں گے ضرورت پڑی تو اسمبلی میں بھی احتجاج کریں گے، نئے بلدیاتی نظام میں میئر کو اختیارات نہیں دیئے گئے،پی ٹی آئی سے مایوس ضرور ہیں ،اپنےتحفظات کااظہارکرتےرہتےہیں،حکومت کےاتحادی ہیں جب وقت آئےگا تو الگ ہوجائیں گے۔

ایم کیو ایم کے رہنما نے مزید کہا کہ پیپلزپارٹی نے بلدیاتی نظام سےمتعلق بل پر کوئی مشاورت نہیں کی، سندھ حکومت نے اسمبلی میں جعلی اورجھوٹی اکثریت سے بل پاس کرایا، سندھ حکومت نے مقامی حکومت سے اختیارات چھین لیے ، بلدیات کےتمام اختیارات سندھ حکومت اپنےپاس رکھنا چاہتی ہے ،سندھ حکومت نے بلدیاتی نظام کو معطل کردیا اورمختلف پارٹیوں سے مشاورت کررہےہیں،بل کےخلاف ضرورت پڑی تو سڑکوں پر بھی نکلیں گے۔

پاکستان مسلم لیگ (ن) کے رہنما محمد زبیر نے کہا کہ سندھ میں جو فنڈ آتےہیں نہ وہ پیسہ کراچی میں لگ رہا ہے نہ ہی اندرون سندھ میں لگ رہا ہے،سندھ میں فنڈز کی تقسیم این ایف سی کی بنیاد پر ہونی چاہیے، ن لیگ حکومت میں فیڈرل ٹیکس ریونیو ڈبل ہوا تو صوبے کو زیادہ پیسہ ملا ، سندھ میں پیسہ کہاں لگ رہا ہے کہاں ترقیاتی کام ہو رہے ہیں۔

مفتاح اسماعیل نے کہاکہ پیپلز پارٹی نے بلدیاتی اختیارات پر حملہ کیا ہے، مزید اختیارات ختم کردئیے ہیں ، پیپلز پارٹی شہریوں کے حقوق پر حملے جاری رکھی ہوئی ہے، پیپلز پارٹی کا وفاق میں اور صوبے میں الگ الگ چہرہ ہے، وفاق میں یہ فیڈریشن کی بات کرتے ہیں صوبے میں یہ حقوق سلب کرتے ہیں جبکہ پیپلزپارٹی والےہمارے دشمن نہیں ہیں۔


 

Advertisement
روزنامہ دنیا ایپ انسٹال کریں