9 مئی جلاؤ گھیراؤ: 8 پی ٹی آئی رہنماؤں کے ناقابل ضمانت وارنٹ گرفتاری

لاہور: (دنیا نیوز) انسدادِ دہشت گردی عدالت لاہور نے 9 مئی جلاؤ گھیراؤ کے مقدمہ میں 8 پی ٹی آئی رہنماؤں کے ناقابل ضمانت وارنٹ گرفتاری جاری کر دیئے۔

انسدادِ دہشت گردی عدالت کی جج عبہر گل نے پولیس کی درخواست پر سماعت کی۔

پولیس نے موقف اپنایا کہ ملزمان کی گرفتاری کے لیے کوشش کی، ملزمان نے خود کو روپوش کر رکھا ہے، ملزمان کے خلاف تھانہ سرور روڈ میں مقدمہ درج ہے۔

عدالت کی جانب سے جن افراد کے وارنٹ گرفتاری جاری ہوئے ہیں ان میں حافظ فرحت، مراد سعید، اعظم خان، حامد رضا، امتیاز احمد شیخ سمیت دیگر شامل ہیں۔

Advertisement
روزنامہ دنیا ایپ انسٹال کریں