ٹھٹھہ: حادثے کے بعد کار میں آگ لگنے سے 4 افراد جاں بحق
ٹھٹھہ: (دنیا نیوز) تیزرفتار کار اور موٹرسائیکل میں تصادم سے کار میں آگ بھڑکنے سے 4 افراد جاں بحق ہوگئے۔
افسوسناک حادثہ دھابیجی کے قریب قومی شاہراہ پر پیش آیا جہاں تیز رفتار کار اور موٹرسائیکل میں تصادم ہوگیا جس کے باعث کار میں آگ بھڑک اٹھی، حادثے میں کار میں سوار 4 افراد جھلس کر جاں بحق ہوگئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں کو رولر ہیلتھ سینٹر گھارو منتقل کردیا گیا۔
