سندھ پنجاب بارڈر کے قریب پولیس کی کارروائی، 11 افغان شہری گرفتار
گھوٹکی: (دنیا نیوز) تھانہ اوباڑو پولیس نے سندھ پنجاب بارڈر کے قریب بڑی کارروائی کرتے ہوئے 11 افغان شہری گرفتار کر لیے۔
تھانہ اوباڑو پولیس کے مطابق سندھ پنجاب بارڈر کے علاقے میں مشکوک افراد کی چیکنگ کے دوران قومی شناختی کارڈ نہ ہونے پر 11 افراد کو حراست میں لے لیا گیا، ابتدائی تفتیش میں گرفتار افراد کے پاس پاسپورٹ اور قانونی دستاویزات نہ ہونے کا انکشاف ہوا۔
ترجمان پولیس کے مطابق گرفتار افغان شہریوں کے خلاف مقدمہ درج کر لیا گیا، تمام گرفتار افغان باشندوں کو قانونی کارروائی مکمل ہونے کے بعد جیل منتقل کر دیا گیا۔
