برادر ممالک ترکیہ اور آذربائیجان پر حملے، وزیراعظم کا اظہارِ تشویش
اسلام آباد: (دنیا نیوز) وزیراعظم شہباز شریف نے برادر ممالک آذربائیجان اور ترکیہ پر ہونے والے حالیہ حملوں پر تشویش کا اظہار کیا ہے۔
ایکس پر جاری ایک پیغام میں وزیراعظم شہباز شریف نے کہا کہ پاکستان اس مشکل وقت میں دونوں ممالک کی قیادت اور عوام کے ساتھ کھڑا ہے۔
— Shehbaz Sharif (@CMShehbaz) March 5, 2026
انہوں نے کہا کہ پاکستان ایسے اقدامات کی شدید مذمت کرتا ہے جو مزید کشیدگی کا باعث بن سکتے ہیں اور خطے کے امن و استحکام کو نقصان پہنچاتے ہیں، پاکستان تمام فریقین سے ضبط و تحمل کا مظاہرہ کرنے کی اپیل کرتا ہے۔
— Shehbaz Sharif (@CMShehbaz) March 5, 2026
وزیراعظم شہباز شریف نے اس بات پر زور دیا کہ خطے میں امن و استحکام برقرار رکھنے کیلئے کشیدگی میں کمی لانا اور مذاکرات کو فروغ دینا ناگزیر ہے۔
