رواں سال تہہ ہونے والی کار متعارف کرانے کا فیصلہ

ٹوکیو:(ویب ڈیسک ) معروف آٹو کمپنی رواں برس جولائی کے مہینے میں تہہ ہوجانے والی نئی کار متعارف کرائے گی جس کو کار کی طرح چلایا جاسکے اور موٹر سائیکل کی طرح پارک کیا جاسکے گا۔

4.5 فٹ چوڑی یہ سی ٹی 2 برقی گاڑی سکڑ کر 3.2 فٹ تک ہو جانے کی صلاحیت رکھتی ہے جس کی وجہ سے اس کو کم جگہ میں پارک اور تنگ سڑک پر باآسانی چلایا جاسکتا ہے، سی ٹی 2 اپنی ویل بیس کو سمیٹ کر سائز چھوٹا کرتی ہے لیکن اس عمل میں ڈرائیور اور مسافروں کا کیبن چھوٹا نہیں ہوتا۔

یہ سواری ان افراد کے لیے مناسب نہیں جن کے لیے گاڑی کی رفتار اہمیت کی حامل ہوتی ہے، دیگر برقی گاڑیوں کے مقابلے میں یہ گاڑی سست رفتار ہے اور اپنے مکمل سائز میں 88 کلو میٹر فی گھنٹہ کی رفتار سے جبکہ چھوٹے سائز میں 38 کلو میٹر فی گھنٹہ کی رفتار سے چل سکتی ہے۔

سٹی ٹرانسفارمر نامی کمپنی کی یہ اگلی جنریشن کی سی ٹی 2 کار رواں برس جولائی میں عالمی سطح پر متعارف کرائی جائے گی جس کی قیمت 17 ہزار 400 ڈالر ہوگی ۔

Advertisement
روزنامہ دنیا ایپ انسٹال کریں