ملک محفوظ رکھنے پر تمام امریکی اپنے فوجیوں کے شکرگزار ہیں، ٹرمپ
فلوریڈا: (دنیا نیوز) امریکی صدر ڈونلڈ ٹرمپ نے کہا ہے کہ ملک محفوظ رکھنے پر تمام امریکی شہری اپنے فوجیوں کے شکرگزار ہیں۔
امریکی صدر ڈونلڈ ٹرمپ اور ان کی اہلیہ میلانیا ٹرمپ نے کرسمس کے حوالے سے پام بیچ فلوریڈا میں منعقدہ تقریب میں شرکت کی جہاں انہوں نے امریکی سروس ممبران سے ملاقات کی۔
امریکی صدر نے فوجیوں کو خراج تحسین پیش کرتے ہوئے کہا کہ آپ کی قربانیاں قابل تعریف ہیں، فرائض کیلئے اپنے پیاروں سے الگ ہونا آسان نہیں۔
ڈونلڈ ٹرمپ کا مزید کہنا تھا کہ بطور کمانڈر ان چیف میں آپ کی شاندار حمایت پر شکریہ ادا کرنا چاہتا ہوں، آپ نے ہر اس کام میں میرا ساتھ دیا جو میں کرنا چاہتا تھا۔
