اٹلی میں سمندری طوفان نے تباہی مچا دی، ساحلی علاقے 26 فٹ بلند لہروں کی لپیٹ میں
روم: (دنیا نیوز) اٹلی میں سمندری طوفان نے تباہی مچا دی ہے جہاں 26 فٹ بلند لہروں نے ساحلی علاقوں کو اپنی لپیٹ میں لے لیا۔
غیر ملکی خبر ایجنسی کے مطابق سسلی اور سارڈینیا جزائر میں ریسٹورنٹس اور گھروں کو کافی نقصان پہنچا ہے، متاثرہ علاقوں میں سڑکیں زیر آب آگئیں جبکہ بجلی کا نظام بھی بری طرح متاثر ہوا ہے۔
طوفان کے باعث سڑکوں پر ٹریفک بھی معطل کر دی گئی، ساحلی علاقوں سے 190 افراد کو محفوظ مقامات پر منتقل کر دیا گیا، سکول تاحکم ثانی بند رہیں جبکہ ہنگامی آپریشن سنٹرز فعال کر دیے گئے ہیں۔
