لاہور کے علاقے اقبال ٹاؤن میں شیر کے حملے سے کمسن بچی شدید زخمی
لاہور: (دنیا نیوز) لاہور میں اقبال ٹاؤن کے علاقہ بھیکے وال میں شیر نے کمسن بچی پر حملہ کر دیا۔
شیر کے حملے میں آٹھ سالہ بچی زخمی ہو گئی جسے شیخ زید ہسپتال منتقل کردیا گیا، شیر کے حملے میں بچی کا سر اور کان زخمی ہوا، پولیس نے اطلاع ملتے ہی شیر کے مالک کو حراست میں لے لیا۔
پولیس حکام کا کہنا ہے کہ واقعہ کی تفتیش شروع کر دی گئی ہے، شیر کے مالک کے خلاف بھرپور قانونی کارروائی کی جائے گی۔
