ڈی سی ساؤتھ کا ایک بھی شخص کے لاپتہ ہونے تک آپریشن نہ روکنے کا اعلان
کراچی: (دنیا نیوز) ڈی سی ساؤتھ جاوید نبی کھوسو نے کہا کہ گل پلازہ کے دو حصوں تک رسائی میں مشکلات ہیں۔
ڈی سی ساؤتھ جاوید نبی کھوسو کہتے ہیں سرچ آپریشن فائنل مرحلے میں داخل ہو چکا، جب تک ایک بھی شخص لاپتہ ہے آپریشن نہیں روکیں گے، ملبے کے دو ڈمپر لاپتہ ہوئے اس کی تحقیقات کررہے ہیں۔
واضح رہے کہ گل پلازہ کے ملبے کی وجہ سے ستون متاثر ہونے کے بعد رمپا پلازہ عارضی طور پر بند کر دیا گیا ہے، جس کو ایس بی سی اے نے غیر محفوظ قرار دے دیا ہے، پلازہ انتظامیہ، دکان مالکان کو نوٹس جاری کر دیا گیا ہے۔
عمارت کے خطرناک حصے کے استعمال پر پابندی لگا دی گئی ہے، حکام کا کہنا ہے متاثرہ سٹرکچر سے غیر محفوظ چیزوں کو فوری ہٹا کر مرمت کرائی جائے، عمارت اس وقت تک استعمال نہیں ہوسکے گی جب تک مجاز اتھارٹی اسے محفوظ قرار نہ دے۔
