پیوٹن کا ایرانی صدر سے ٹیلیفونک رابطہ، ثالثی کی پیشکش کردی
ماسکو: (ویب ڈیسک) روسی صدر ولادیمیر پیوٹن نے ایرانی صدر مسعود پزشکیان کو فون کر کے مشرقِ وسطیٰ کی صورتحال پر تبادلہ خیال کیا ہے۔
عرب میڈیا کے مطابق پیوٹن نے مشرقِ وسطیٰ میں کشیدگی کم کرنے کیلئے ثالثی کی پیشکش کرتے ہوئے علاقائی امن کیلئے اپنا فعال کردار ادا کرنے کا اشارہ دیا ہے۔
کریملن نے ٹیلیفونک رابطے سے متعلق مزید کہا کہ ولادیمیر پیوٹن نے تنازع کے سیاسی اور سفارتی حل کی تلاش میں مزید سہولت فراہم کرنے اور مشرق وسطیٰ میں منصفانہ اور دیرپا امن کے حصول کے لیے کوششوں میں ثالثی کے لیے اپنی تیاری پر زور دیا ہے۔
مشرق وسطیٰ میں جنگ کے خاتمے کے لیے اتوار کو اسلام آباد میں واشنگٹن اور تہران کے درمیان میراتھن مذاکرات بغیر کسی معاہدے کے ختم ہونے کے بعد عالمی شخصیات نے امریکہ اور ایران پر زور دیا کہ وہ مذاکرات جاری رکھیں۔
