ایران کا دباؤ کے سامنے نہ جھکنے اور دشمن سے آخری سانس تک لڑنے کا عزم
تہران: (دنیا نیوز) ایران صدر مسعود پزشکیان نے دباؤ کے سامنے نہ جھکنے اور دشمن سے آخری سانس تک لڑنے کے عزم کا اظہار کر دیا۔
ایرانی صدر مسعود پزشکیان کا کہنا ہے ایران کسی صورت دھونس اور دباؤ کے سامنے نہیں جھکے گا، دشمن کو فیصلہ کن جواب دیا جائے گا، جنگ کسی نہ کسی مرحلے پر ختم ہونی ہے۔
مسعود پزشکیان نے کہا کہ بہتر ہے جنگ آج ہی ختم کی جائے کیونکہ ایران طاقتور ثابت ہوچکا ہے، ہمیں جنگ سے پیدا ہونے والی مہنگائی سمیت دیگر مسائل کیلئے تیار رہنا چاہئے۔
واضح رہے کہ سپیکر ایرانی پارلیمنٹ باقر قالیباف کا بھی کہنا تھا کہ تہران کو امریکا کی ظالمانہ پابندیوں سے نمٹنے کیلئے منصوبہ بندی کرنی ہوگی، ہمارے دشمن مسلم ممالک کے وسائل اور خام مال کو لوٹنے کیلئے آرہے ہیں، ایران اور عراق کسی کو اپنی تقدیر کا فیصلہ نہیں کرنے دیں گے۔
Comments / رائے دیں
Share your thoughts. Comments are reviewed before they appear publicly.
Approved Comments