امریکا کا ایران کے لارک جزیرے پر فضائی حملہ، 2 راکٹ لانچرز تباہ کرنے کا دعویٰ
تہران: (دنیا نیوز) امریکا نے ایک بار پھر ایران کے لارک جزیرے پر فضائی حملہ کرتے ہوئے پاسداران انقلاب کے 2 راکٹ لانچرز تباہ کرنے کا دعویٰ کیا ہے۔
ایرانی خبر رساں ایجنسی فارس کے مطابق ایران کے لارک جزیرے کے قریب دھماکے کی آواز سنی گئی، فوری طور پر دھماکے کی وجہ معلوم نہیں ہو سکی۔
اس سے قبل امریکی نیوز ویب سائٹ ایگزیوس نے امریکی عہدیدار کے حوالے سے بتایا تھا کہ امریکی فورسز نے لارک جزیرے پر موجود ایرانی میزائل لانچرز کو نشانہ بنایا ہے۔
رپورٹ کے مطابق امریکی حملے میں 2 لانچرز کو نشانہ بنایا گیا، جن کے بارے میں امریکی حکام کا کہنا تھا کہ ایرانی پاسدارانِ انقلاب آبنائے ہرمز میں سمندری بارودی سرنگیں نصب کرنے والے راکٹ داغنے کی تیاری کر رہے تھے۔
خیال رہے کہ لارک جزیرہ آبنائے ہرمز کے قریب ایک اہم تزویراتی مقام ہے، اس لیے یہ واقعہ خطے میں بڑھتی ہوئی امریکا ایران کشیدگی کے تناظر میں اہم سمجھا جا رہا ہے۔
Comments / رائے دیں
Share your thoughts. Comments are reviewed before they appear publicly.
Approved Comments