حافظ نعیم کا وزیراعظم کو فون، بجلی قیمتوں میں کمی پر اظہار تشکر
لاہور(نیوز ایجنسیاں)امیر جماعت اسلامی حافظ نعیم الرحمن نے وزیراعظم شہباز شریف کو فون کرکے بجلی کی قیمتوں میں کمی پر شکریہ ادا کیا۔
شہباز شریف نے انکے پیغام کا خیرمقدم کیا اور کہامشکلات کے باوجود عوامی ریلیف کو ترجیح دی، مشن جاری رکھیں گے ۔وزیر اعظم آفس پریس ونگ کے مطابق وزیراعظم نے کہا ان شا اﷲپاکستان کی ترقی کا سفر جاری رہے گا۔ اس موقع پردونوں رہنمائوں نے غزہ میں نہتے فلسطینیوں پر اسرائیل کی بلا اشتعال بمباری پر بین الاقوامی قوتوں کی خاموشی پر بھی تشویش کا اظہار کیا۔ وزیر اعظم نے فلسطینیوں پر جاری صہیونی ظلم و جبر کیخلاف ہر بین الاقوامی فورم پر آواز اٹھانے اور پاکستان کی حمایت جاری رکھنے کے عزم کا اعادہ کیا ۔ شہباز شریف نے کہا صہیونی ظلم و جبر کے شکار نہتے فلسطینی بہن بھائیوں کی حمایت کے حوالے سے پاکستان کا موقف واضح ہے ۔
روزنامہ دنیا ایپ انسٹال کریں
