آج کا پکوان
عید کی خاص بریانی اجزاء: چکن1/2کلو،نمک ایک چائے کا چمچ، لونگ دس سے بارہ عدد،دہی ایک کپ،ثابت گرم مصالحہ دو چائے کے چمچ،ادرک حسبِ ضرورت، کُٹی لال مرچ ایک چائے کا چمچ،ہری الائچی چار عدد،کالی الائچی چار عدد،ٹماٹر دو عدد،ہری مرچ چھ سے آٹھ عدد،کالا زیرہ 1/4 چائے کا چمچ،لہسن حسبِ ضرورت، کھانے کا پیلا رنگ ایک چُٹکی،کیوڑا 1/2چائے کا چمچ،گھی یا تیل ایک کپ،پیاز دوعدد،دودھ حسبِ ضرورت، چاول دو کپ،نمک حسبِ ذائقہ،دار چینی ایک ٹکڑا، لونگ چار عدد
ترکیب: گرم تیل یا گھی میں پیاز برائون کر کے نکال لیں۔اب چکن، دہی، لونگ، ثابت گرم مصالحہ،کُٹی لال مرچ،کالی الائچی،ہری الائچی،ٹماٹر،کالا زیرہ اور تمام بچے اجزاء شامل کر کے چند منٹ دَم پر رکھ دیں،پھر چاول،دودھ اور پیلا رنگ شامل کر کے اتنا پکائیں کہ وہ اچھی طرح پک جائیں۔ آخر میں دَم پر رکھ کر سرو کریں۔
سویاں شاہجہانی
اجزاء :سویاں 250گرام ،بادام 10عدد ،پستے 10عدد ،چینی 125 گرام ، شہد 2چائے کے چمچ ،گھی ایک بڑا کھانے کا چمچ ،الائچی آدھا چائے کا چمچ پسی ہوئی ،کریم 100گرام، جائفل ایک چائے کا چمچ ،گلاب کی تازہ پتیاں مٹھی بھر
ترکیب : چینی اور شہد پتیلی میں ڈال کر ایک پائو پانی کے ساتھ مدھم آنچ پر رکھیں یہاں تک کہ یہ آپس میں حل ہو جائیں اب ایک پتیلی میں گھی ڈال لیں، اب اس میں سویوں کو بادامی ہونے تک پکائیں ان سویوں کو چینی اور شہد کے قوام میں ڈال لیں۔ اب اس میں الائچی اور جائفل ڈال کر مدھم آنچ پر رکھ دیں تاکہ سویاں نرم ہوجائیں اور تمام پانی خشک ہوجائے اب اس پر پستے اور بادام باریک کاٹ کر چھڑک دیں ڈش میں نکال کر اوپر سے کریم پھیلا دیں اور اس پر تازہ تازہ گلاب کی پتیاں بچھا دیں ایک منفرد پیش کش ہوگی۔
منٹ سودا
اجزاء: کھیرا ایک عدد، سوڈا واٹر ایک بوتل، برف ایک کپ، پودینے کے پتے 1/2 کپ، کالا نمک 1/2چائے کا چمچ،لیموں کا رس دو کھانے کے چمچ،چینی دو کھانے کے چمچ
ترکیب: پہلے بلینڈر میں کھیرا،لیموں کا رس،کالا نمک، سوڈا واٹر،چینی اور برف ڈال کر بلینڈ کر لیں۔اب اسے نکال کر پودینے کے پتے کے ساتھ سرو کریں۔