آج کا پکوان، کوفتہ مکھنی
اجزاء :قیمہ آدھا کلو، لہسن ایک چائے کا چمچ، گرم مصالحہ ایک چائے کا چمچ، نمک ایک چائے کا چمچ، کارن فلور دو کھانے کے چمچ، ہرا دھنیا دو کھانے کے چمچ، کریم ایک کھانے کا چمچ
گریوی کے اجزاء: پیاز ایک عدد،کاجو پندرہ عدد،مکھن دو کھانے کے چمچ، تیل ایک چوتھائی کپ، ٹماٹو پیسٹ آدھا کپ، ٹماٹو کیچپ ایک چوتھائی کپ، لال مرچ ایک چائے کا چمچ، ہرا دھنیا دو کھانے کے چمچ
ترکیب: قیمے میں ادرک، لہسن، نمک، لال مرچ، گرم مصالحہ، کارن فلور، ہرا دھنیا اور ملائی ڈال کر چاپر میں پیس لیں،اب اس مکسچر کے کوفتے بنائیں۔
گریوی کی ترکیب: گرم تیل میں مکھن،کچی پسی پیاز اور ادرک لہسن کا پیسٹ شامل کر کے مصالحہ بھون لیں۔اب اس میں ٹماٹو پیسٹ، کیچپ،نمک، لال مرچ، کاجو کا پیسٹ، چینی اور پسا گرم مصالحہ ڈال کر بھون لیں۔آخر میں کوفتے شامل کر کے دم پر چھوڑ دیں۔
تیار ہونے پر کریم، ہری مرچ اور ہرا دھنیا ڈالیں۔گرم گرم نان کے ساتھ سرو کریں-
سٹف پسندہ کباب
اجزاء : بیف پسندے ایک کلو،گرم مصالحہ ایک چائے کا چمچ،پیاز دو عدد،ٹماٹر دو عدد،ہرا دھنیا آدھا کپ، ہری مرچ چار سے چھ عدد،ادرک ایک کھانے کا چمچ،لہسن ایک چائے کا چمچ،خشخاش دو کھانے کے چمچ،لال مرچ ایک کھانے کا چمچ،نمک حسب ذوق،بھنے چنے تین کھانے کے چمچ،کچا پپیتا ایک کھانے کا چمچ،سرکہ دو کھانے کے چمچ،دھاگہ باندھنے کیلئے
ترکیب: پسندوں میں نمک، سرکہ اور پپیتا لگا کر ایک گھنٹہ کیلئے چھوڑ دیں۔اب ادرک، لہسن، پسے چنے، خشخاش،نمک، لال مرچ پاؤڈر اور گرم مصالحہ پاؤڈر مکس کریں۔
پیاز، ٹماٹر، ہرا دھنیا اور ہری مرچیں کاٹ لیں۔پسندوں پر ہرا مصالحہ رکھیں اور دوسرے پسندے سے کور کر کے دھاگہ باندھ دیں۔ایک دیگچی میں تیل گرم کر کے ہلکی آنچ پر دم پر چھوڑ دیں۔تیار ہونے پر گرم گرم سرو کریں۔
