ذرامسکرایئے
![](https://dunya.com.pk/news/ahwalesiyasat_or_mimbromahrab/img/5253_25456031.jpg)
باپ بیٹے سے: یہ تم کیسی ماچس لائے ہو ایک تیلی بھی نہیں جل رہی؟ بیٹا: ایسا کیسے ہو سکتا ہے ابو ، میں تو ایک ایک تیلی چیک کر کے لایا ہوں سب جل رہی تھیں۔٭٭٭
استاد(بچوں سے):یہ بتائو کہ تارے رات میں ہی کیوں نکلتے ہیں اور دن میں کیوں نہیں؟
ایک بچے نے معصومیت سے جواب دیا: سر!وہ سورج کے راستے میں ٹانگ نہیں اڑانا چاہتے۔
٭٭٭
استاد (کلاس روم میں):بچو مشکل میں ہر ایک کے کام آئو اور دوسروں کی مدد کرو۔
شاگرد:سر، کل میں نے ایک آدمی کی مدد کی۔
استاد:وہ کیسے؟
شاگرد :سر ! اس سے سڑک پار نہیں ہو رہی تھی،میں نے اس کے پیچھے اپنا کتا چھوڑا تو اس نے فوراً سڑک پار کر لی۔
٭٭٭
پہلا دوست دوسرے سے''بڑے سے بڑا جینٹلمین بھی میر بیٹے کے آگے اپنا ہیٹ اُتار دیتا ہے''۔
دوسرا دوست''کیا آپ کا بیٹا جج ہے''؟
پہلا دوست''نہیں وہ حجا م ہے''۔