×

خصوصی ایڈیشن

فوقی نے اک چوزہ پالا

بند کریں

فوقی نے اک چوزہ پالا چوں چوں چوں چوں کرنے والا اس کی خاطر ڈربہ بنایا

باجرہ پھر بازار سے لایا

چوزہ جوں جوں بڑھتا جاتا

ماشاء اللہ پڑھتا جاتا

بڑھنے پر معلوم ہوا یہ

عقدہ آخرکار کھلا یہ

چوزہ کب تھا وہ چوزی تھی

مرغا کب تھا وہ مرغی تھی

ویڈنس ڈے اور سنڈے منڈے

دیتی تھی اکثر وہ انڈے

جمع کئے فوقی نے انڈے

کھائے اس کی خاطر ڈنڈے

پھر مرغی کو اس پہ بٹھایا

اکیّس دن کے بعد اٹھایا

نکلے اس میں سے چھ چوزے

پیارے پیارے ننھے منے

مرغی کے وہ گھر میں رہتے

امی جان کے پر میں رہتے

لیکن دنیا ہے یہ فانی

اس کی ہر شئے آنی جانی

چوزوں پر بھی آئی فنا جب

اک اک کر کے مرنے لگ سب

چوزوں سے محروم ہے فوقی

آج بہت مغموم ہے فوقی

روزنامہ دنیا ایپ انسٹال کریں