آج کا پکوان:چکن وائٹ کڑاہی
اجزا:چکن :آدھا کلو،پیاز :تین عدد، لہسن کا پیسٹ : آدھا چائے کا چمچ،ادرک :ایک انچ کا ٹکڑا باریک کٹا ہوا،ہری مرچ: باریک کتری ہوئی 3 عدد،پسی کالی مرچ؛
آدھا چائے کا چمچ،پسا ہوا گرم مصالحہ:آدھا چائے کا چمچ،ہرا دھنیا: باریک کترا ہوا،فریش کریم : چھ چمچ،نمک: آدھا چائے کا چمچ،کوکنگ آئل : چار چمچ
ترکیب: کڑاہی میں آئل گرم کرکے چکن اور نمک ڈال کر اچھی طرح مکس کر کے پانچ منٹ تک ڈھانپ کر پکائیں۔ پیاز ، لہسن ،کالی مرچ، شامل کرکے مزید 15 منٹ پکانے کے بعد ہری مرچیں ڈال کر بھونیں۔جب چکن آئل چھوڑ دے تو اس میں فریش کریم ڈال کر دو منٹ پکائیں اور آخر میں ادرک ڈال کر دو منٹ کیلئے دم پر رکھ کر اتار لیںاور ہرا دھنیا چھڑک کر نان اور سلاد کے ساتھ تناول کریں۔اس ڈش میں پانی با لکل استعمال نہ کریں۔
گاجر کی کھیر
اجزا: گاجر:دو کلو گرام،چاول: ایک پاؤ،دودھ: ڈیڑھ کلو گرام،بادام: حسب ذائقہ،پستہ: حسب ذائقہ،الائچی:باریک پسی ہوئی آدھا چائے کا چمچ،برفی : ایک پاؤ،کیوڑا: چوتھائی چائے کا چمچ، چینی: حسب ذائقہ
ترکیب: کھیر پکانے سے تقریبا ایک گھنٹہ پہلے چاول اچھی طرح صاف کر کے پانی میں بھگو دیں۔ایک دیگچے میں دودھ ڈال کر ہلکی آنچ پر چڑھا دیں۔جب دودھ اچھی طرح ابلنے لگے تو اس میں بھیگے ہوئے چاول ڈالتے جائیں اور چمچے کی مدد سے دودھ کو ہلاتے جائیں۔چاول ڈال کر تھوڑی دیر پکنے دیں اور پھر اس میں کدو کش کی ہوئی گاجریں شامل کر کے اسے تقریبا پون گھنٹے کے لیے پکنے کے لیے چھوڑ دیں، پون گھنٹے کے بعد اس میں چمچ چلانا شروع کریں اور برفی اورچینی شامل کر دیں۔اتارنے سے کچھ پہلے اس میں بادام، پستے اور پسی ہوئی الائچی کے ساتھ تھوڑ سا کیوڑا ڈالیں اور ڈھکن اچھی طرح بند کر کے آگ بند کر دیں۔پیش کرتے وقت ثابت بادام اور پستے سے گارنش کریں۔
