ذرا مسکرایئے
استاد (شاگرد سے) جاپانی پھل کسے کہتے ہیں؟ شاگرد: وہ پھل جو جاپان میں اگتے ہیں۔٭٭٭
ایک لڑکے نے امتحان کے کمرے سے نکلتے ہوئے اپنے ایک ساتھی سے کہا:یار! میں تو خالی پیپر دے آیا ہوں۔
دوسرا ساتھی بولا:یار! میں بھی خالی پیپر ہی دے کر آ رہا ہوں۔
اس پر پہلے لڑکے نے کہا ’’اوہ غضب ہو گیا، ماسٹر صاحب سمجھیں گے ہم دونوں نے نقل کی ہے‘‘۔
٭٭٭
ایک مریض گھبرایا ہوا ڈاکٹر کے پاس آیا اور بولا: ڈاکٹر صاحب! رات کو میں نے خواب میں دیکھا کہ میں نے ایک بہت بڑا تربوز کھایا ہے۔
ڈاکٹر نے اسے تسلی دیتے ہوئے پوچھا: تو اس میں پریشانی کی کیا بات ہے؟۔
مریض نے فوراً کہا: جناب! پریشانی کی بات یہ ہے کہ جب میں صبح سو کر اٹھا تو بستر پر میرا تکیہ غائب تھا۔
٭٭٭
ایک چھوٹی لڑکی نے جس کا باپ جج تھا‘ بڑے پیار سے پوچھا ’’ابا جان! آپ میری سالگرہ پر مجھے کیا تحفہ دیں گے؟‘‘ باپ جو کسی مقدے میں منہمک تھا‘ بولا ’’چودہ سال قید با مشقت۔‘‘
