بچوں کا انسائیکلوپیڈیا
تیل کن چیزوں سے بنتاہے؟
بہت زمانہ پہلے سمندر میں چھوٹے چھوٹے مرُدہ جانور اور پودے سمندر کی تہہ میں جمع ہو گئے۔ان کے اوپر ریت اور کیچڑ جمع ہوئی اور یہ چٹا نوں میں تبدیل ہو گئے۔ چٹانوں کے وزن اور زمین کی گرمی نے مُر دہ پودوں اور جانوروں کی ان تہوں کو تیل میں تبدیل کر دیا۔اس عمل کو مکمل ہونے میں لاکھو ں سال صرف ہوئے۔
فضاء(Atmosphere)کی بلندی کتنی ہے؟
ہماری زمین ہوا میں گھری ہوئی ہے۔ ہم اس ہوا میں سانس لیتے ہیں۔ ہوا اور آبی بخارات کے آمیزے کو ہم فضاء کہتے ہیں۔سطح زمین کے قریب فضاء بھاری اور کثیف ہو تی ہے۔ہم زمین سے جتنا اوپر جائیں فضاء اتنی ہلکی ہوتی چلی جاتی ہے۔ 300میل (480 کلومیٹر) کی بلندی پر ہوا نہ ہو نے کے برابر ہے۔ سائنسدان فضاء کو مختلف تہوں یا پرتوں میں تقسیم کرتے ہیں۔
روزنامہ دنیا ایپ انسٹال کریں
