آج کا پکوان:چکن چپلی کباب
اجزا: چکن کاقیمہ: ایک کلو، مکئی کا آٹا: ایک پاؤ،لال مرچ پاؤڈر: ایک چائے کا چمچ ،ہری مرچ: چار عدد ،دھنیا پاؤڈر: دو چائے کے چمچ ، سفید زیرہ:
ایک چائے کا چمچ (پسا اور بھنا ہو ا)، ٹماٹر: چار عدد، پیاز: ایک عدد، تیل تلنے کیلئے، انڈے: چار عدد، ہرا دھنیا، پودینہ: حسبِ ضرورت،انار دانہ :دو چمچ (موٹا پیس لیں)۔
ترکیب: ٹماٹر، ہری مرچ، دھنیا اور پودینہ باریک کاٹ لیں۔ مسالہ موٹا پیس کر سفید زیرے کے ساتھ قیمے میں ملالیں، ساتھ ہی مکئی کا آٹا اور انڈے پھینٹ کرشامل کردیں۔ اب درمیانے سائز کے کباب بنالیں۔ فرائنگ پین میں تیل گرم کرکے کباب سنہری تل لیں۔
گارلک بریڈ
اجزا : میدہ: ایک کپ، خمیر:ایک چائے کا چمچ،چینی:ایک چائے کا چمچ، آئل:ایک چائے کا چمچ،نمک: حسب پسند،لہسن: چھ جوے،نیم گرم دودھ:ایک کپ، مکھن: تین چمچ،ہر ا دھنیہ،کٹی لال مرچ۔
ترکیب :میدہ، خمیر، چینی ،آئل، نمک اور دودھ کو مکس کرکے ڈو بنالیں ۔جب ڈو بن جائے تو گھنٹہ دو گھنٹہ گرم جگہ پر رائز ہونے کیلئے رکھ دیں۔اس کے بعد مکھن، لہسن، ہرا دھنیہ ،کٹی مرچ مکس کردیں۔ڈو تیار ہوجاے تو اس کی روٹی بنالیں اور آدھے حصہ پر مکھن، لہسن لگادیں، کچھ چیز بھی لگا دیں اور فولڈ کرلیں ، کیک مولڈ میں آئل لگا کر رکھ دیں،پتیلی کو 10 منٹ گرم کریں اب 20منٹ مولڈ کو بیک کرنے کیلئے رکھ دیں ۔بریڈ کے اوپر بھی لہسن مکھن کا برش کردیں اور ہلکا ہلکا کٹ لگا دیں۔
