آج کا پکوان:حلیم
اجزا:گائے کا گوشت (بغیر ہڈی کے): 1 کلو،گندم: 1 کپ،مونگ کی دال: آدھا کپ،چنے کی دال: چوتھائی کپ، مسور کی دال: چوتھائی کپ،پیاز: 2 عدد (درمیانے سائز کے)
ادرک لہسن کا پیسٹ: 2 چمچ،ہلدی: 1 چائے کا چمچ،لال مرچ پاؤڈر: 1 چمچ،دھنیا پاؤڈر: 1 چائے کا چمچ،گرم مصالحہ: 1 چائے کا چمچ،نمک: حسبِ ذائقہ،تیل: حسبِ ضرورت،پودینہ، ہرا دھنیا، ادرک اور لیموں (گارنش کیلئے)۔
ترکیب:گوشت کو ادرک لہسن کے پیسٹ، ہلدی، لال مرچ، دھنیا پاؤڈر، گرم مصالحہ اور نمک کے ساتھ پانی میں ڈال کر گلنے تک ابال لیں۔گندم اور دالوں کو الگ الگ برتنوں میں پانی ڈال کر نرم ہونے تک ابال لیں۔ابلے ہوئے گوشت کو دالوں اور گندم کے ساتھ مکس کر لیں۔اس مکسچر کو اچھی طرح گھوٹ لیں جب تک کہ یہ یکجان نہ ہو جائے اور ایک گاڑھا پیسٹ نہ بن جائے۔پیاز کو تیل میں اچھی طرح براؤن کر کے حلیم پر ڈال دیں۔تیار حلیم کو پودینہ، ہرا دھنیا، ادرک اور لیموں سے گارنش کریں۔
متنجن
اجزا:سیلہ چاول: آدھا کلو (دو گھنٹے بھیگے ہوئے)،چینی: آدھا کلو یا حسبِ ذائقہ ،گھی: ایک کپ ،اشرفی مربے: حسبِ ضرورت، الائچی: چارسے پانچ عدد ،فوڈ کلر: زردہ، سرخ اور ہرا رنگ (چائے کا ایک چوتھائی چمچ)،خشک میوہ جات: بادام، پستہ،ناریل، کشمش ۔
ترکیب: کھلے برتن میں پانی ابالیں اور اس میں چاول ڈال کر ایک کنی (80 فیصد تک) ابال لیں۔ پانی نچوڑ کر الگ رکھ دیں۔ایک پین میں گھی گرم کر کے الائچی کا تڑکا لگائیں۔ پھر اس میں چینی اور آدھا کپ پانی ڈال کر شیرہ تیار کریں۔ ابلے ہوئے چاول شیرے میں شامل کریں اور پانی خشک ہونے تک پکائیں۔ جب پانی بالکل تھوڑا رہ جائے تو الگ الگ رنگوں کو تھوڑے سے پانی یا دودھ میں گھول کر چاولوں پر ڈالیں۔ ساتھ ہی تمام خشک میوہ جات بھی شامل کر دیں۔ہلکی آنچ پر 15 سے 20 منٹ کے لیے دم پر رکھ دیں۔
