ذرا مسکرائیے
استاد نے شاگرد سے پوچھا: ارشد! پی ڈبلیو آر سے کیا مراد ہے؟
شاگردفوراً بولا: پکوڑوں والی ریڑھی۔
٭٭٭
جج: بڑے شرم کی بات ہے تم نے ایک ہفتے کے دوران سات چوریاں کیں۔
ملزم: جی اس میں شرم کی کون سی بات ہے۔ ہفتے میں سات ہی تو دن ہوتے ہیں آٹھ ہوتے تو آٹھ چوریاں کر کے دکھا دیتا۔
٭٭٭
ایک آدمی (ڈاکٹر سے) : ڈاکٹر صاحب! میرے بیٹے کا قد نہیں بڑھ رہا، اس کا کوئی علاج بتائیں؟۔
ڈاکٹر نے مسکراتے ہوئے جواب دیا:اس کا نام مہنگائی رکھ دیجئے خود بخود بڑھنے لگے گا۔
٭٭٭
دو بچے فرنیچر اٹھانے میں اپنے والدین کی مدد کر رہے تھے کہ ان کے والد نے دیکھا کہ ایک بچہ کپڑوں کی الماری اٹھانے کی کوشش میں پسینے سے شرابور ہے۔
والد نے بچے کو مخاطب کر کے کہا: میں نے تم سے کہا تھا کہ دونوں بھائی مل کرالماری اٹھانا، تم اکیلے آخر کیوں اٹھا رہے ہو؟۔
بچے نے جواب دیا: ابو! بھائی مدد کر تو رہا ہے، وہ الماری کے اندر ہینگر سنبھالے کھڑا ہے۔
٭٭٭
استاد (لطیف سے): تم نے جغرافیہ کا سوال یاد کیوں نہیں کیا؟۔
لطیف: جناب! کل ایک سیاستدان کہہ رہا تھا کہ عنقریب ہم دنیا کا نقشہ بدل دیں گے۔
٭٭٭
Comments / رائے دیں
Share your thoughts. Comments are reviewed before they appear publicly.
Approved Comments