آج کا پکوان: برسات کے پکوان
بیسنی روٹی اجزا:بیسن: دو کپ،آٹا: ایک کپ،نمک آدھا چائے کا چمچ،کٹی لال مرچ: آدھا چائے کا چمچ،زیرہ: آدھا چائے کا چمچ کٹا ہوا دھنیا: آدھا چائے کا چمچ،کٹی ہری مرچ :دو عدد،کٹی ہری پیاز: ایک عدد،کٹا ہرا دھنیا: ایک چمچ، تیل :چار چمچ
ترکیب: ایک پیالے میں بیسن، آٹا، نمک، کٹی لال مرچ، زیرہ، کٹا ہوا دھنیا، کٹی ہری مرچ، کٹی ہری پیاز، کٹا ہرا دھنیا اور تیل ڈال کر مکس کریں، اسے نیم گرم پانی کے ساتھ درمیانہ نرم گوندھ لیں اور پھراسے تیس منٹ کے لیے ڈھک کر رکھ دیں۔آخر میں اس کی روٹیاں بیل کر توے پر دونوں جانب سے سینک لیں۔
آلو کے پراٹھے
اجزا:آلو :ایک کلو،ہری مرچ باریک کٹی ہوئی: دوسے تین ،پسی ہوئی لال مرچ: ایک چمچ، نمک :حسب ذائقہ،بھنا ہوا زیرہ: دو چمچ،ہرا دھنیا باریک کٹا ہوا :چھ سے سات ڈنڈیاں،لیمن جوس: دو چائے کے چمچ، آٹا:تین کپ۔تیل پراٹھوں کیلئے۔
ترکیب: ایک پتیلی میں آلو ابالیں، آلوؤں کے چھلکے اتاریں اور اس میں ہری مرچ، لال مرچ، نمک، زیرہ ، ہرا دھنیا اور لیمن جوس ڈال کر اچھی طرح مکس کرلیں۔ آٹا گوندھ کر پیڑے بنا کر الگ رکھ دیں اب آٹے کا پیٹرا رکھیں اس پر آلو کا مصالحہ پچھائیں اور دوسرا پیٹرا رکھ کر روٹی کی طرح بیل دیں۔ توے پر تیل ڈال کرپراٹھا بنا لیں۔
کھجور کا ملک شیک
اجزا :ٹھنڈا دودھ : دوگلاس، کھجور : 8 سے 10 عدد (گٹھلی نکال کر)، کیلا : ایک عدد، شہد یا چینی : ایک سے دو چمچ، حسبِ ذائقہ، برف : 5 سے 6 ٹکڑے ، بادام یا پستہ : 1 کھانے کا چمچ، باریک کٹے ہوئے ۔
ترکیب: کھجوروں کو 10،15 منٹ نیم گرم دودھ میں بھگو دیں تاکہ وہ اچھی طرح نرم ہو جائیں۔بلینڈر میں دودھ، نرم کھجوریں، کیلا، شہد یا چینی اور برف ڈالیں۔ تقریباً ایک،دو منٹ اچھی طرح بلینڈ کریں یہاں تک کہ شیک گاڑھا، کریمی اور بالکل ہموار ہو جائے۔گلاس میں نکال کر اوپر سے باریک کٹے بادام یا پستہ چھڑک دیں۔ ٹھنڈا ٹھنڈا سرو کریں اور لطف اٹھائیں۔ زیادہ گاڑھا اور کریمی شیک پسند کرتے ہیں تو ایک سکوپ ونیلا آئس کریم شامل کر سکتے ہیں۔
Comments / رائے دیں
Share your thoughts. Comments are reviewed before they appear publicly.
Approved Comments