اسٹیٹ ہرمیٹیج میوزیم
روس کے شہر سینٹ پیٹرزبرگ میں واقع ’’اسٹیٹ ہرمیٹیج میوزیم‘‘ (State Hermitage Museum)نہ صرف روس بلکہ دنیا کے بڑے اور معروف عجائب گھروں میں سے ایک ہے، جہاں تقریباً تیس لاکھ سے زائد تاریخی، ثقافتی اور فنّی نوادرات محفوظ ہیں۔
اس عظیم عجائب گھر کی بنیاد 1764ء میں رکھی گئی۔ آج ہرمیٹیج میوزیم مختلف ادوار اور تہذیبوں کی نایاب اشیا کا خزانہ بن چکا ہے۔ میوزیم کا مرکزی حصہ تاریخی ونٹر پیلس میں قائم ہے، جو کبھی روسی شاہی خاندان کی رہائش گاہ ہوا کرتا تھا۔
ہرمیٹیج میوزیم میں قدیم مصر، یونان، روم، فارس، ایشیا اور یورپ کی تہذیبوں سے تعلق رکھنے والے نادر نوادرات موجود ہیں۔ یہاں قدیم مجسمے، شاہی زیورات، سکے، اسلحہ، نوادرات، مخطوطات اور تاریخی دستاویزات کے ساتھ ساتھ عالمی شہرت یافتہ مصوروں کے ہزاروں شاہکار بھی محفوظ ہیں، جو ہر سال لاکھوں سیاحوں اور فنونِ لطیفہ کے شائقین کو اپنی جانب متوجہ کرتے ہیں۔
Comments / رائے دیں
Share your thoughts. Comments are reviewed before they appear publicly.
Approved Comments