درخت آپس میں بات کرتے ہیں!
کیا آپ نے کبھی سوچا ہے کہ درخت بھی آپس میں باتیں کرتے ہیں؟ جی ہاں! سائنسدانوں کا کہناہے کہ درخت ایک دوسرے سے رابطہ کر سکتے ہیں۔
اگرچہ وہ ہماری طرح بول نہیں سکتے، لیکن ان کے پاس پیغام پہنچانے کا ایک حیرت انگیز طریقہ موجود ہے۔
زمین کے اندر درختوں کی جڑیں ایک خاص قسم کی پھپھوندی کے باریک دھاگوں سے جڑی ہوتی ہیں۔ یہ دھاگے ایک قدرتی نیٹ ورک بناتے ہیں، جسے سائنسدان ’’وُڈ وائیڈ ویب‘‘ کہتے ہیں۔ اس نیٹ ورک کے ذریعے درخت ایک دوسرے کو غذائی اجزاء فراہم کرتے اور خطرے سے خبردار کرتے ہیں۔
مثلاً اگر کسی درخت پر کیڑے حملہ کریں تو وہ کیمیائی پیغامات کے ذریعے دوسرے درختوں کو خبردار کر سکتا ہے۔ یوں دوسرے درخت پہلے ہی اپنی حفاظت کیلئے تیار ہو جاتے ہیں۔
یہ حیرت انگیز قدرتی نظام ہمیں سکھاتا ہے کہ درخت بھی ایک دوسرے کا خیال رکھتے ہیں۔ اس لیے ہمیں بھی درختوں کی حفاظت کرنی چاہیے اور زیادہ سے زیادہ پودے لگانے چاہئیں۔
Comments / رائے دیں
Share your thoughts. Comments are reviewed before they appear publicly.
Approved Comments