×

خصوصی ایڈیشن

آج کا پکوان: چکن تکہ پلاؤ

بند کریں

اجزا: چکن : ایک کلو، دہی : ایک کپ ، لال مرچ پاؤڈر : ڈیڑھ چمچ ، ہلدی: ایک چائے کا چمچ ، دھنیا پاؤڈر:ایک چمچ ، گرم مصالحہ پاؤڈر :ایک چائے کا چمچ،لیمن جوس: دو چمچ، ادرک لہسن کا پیسٹ : ایک چمچ ،

 نمک : حسبِ ذائقہ، باسمتی چاول ـ: تین کپ،تیل یا گھی : آدھا کپ ، پیاز (باریک کٹی ہوئی): دو عدد ،ٹماٹر (باریک کٹے ہوئے):دو عدد ، ہری مرچ: چار عدد، ثابت گرم مصالحہ: حسبِ ضرورت، تکہ مصالحہ : دو چمچ ۔

ترکیب: ایک بڑے پیالے میں چکن، دہی، لال مرچ پاؤڈر، ہلدی، دھنیا پاؤڈر، گرم مصالحہ، لیمن جوس، ادرک لہسن کا پیسٹ اور نمک ڈالیں۔ تمام اجزا کو اچھی طرح مکس کریں۔ چکن کو کم از کم ایک گھنٹہ (بہتر ہے تین گھنٹے) کے لیے میرینیٹ کریں اور چاولوں کو بھی اچھی طرح دھو کر 30 منٹ کے لیے بھگو دیں۔اس کے بعدایک پین میں تھوڑا سا تیل گرم کریں۔ میرینیٹ کیا ہوا چکن ڈال کر درمیانی آنچ پر اچھی طرح بھونیں۔ ایک دیگچے  میں تیل یا گھی گرم کریں۔ پیاز ڈال کر سنہری کریں۔ ٹماٹر، ہری مرچ اور ثابت گرم مصالحہ ڈالیں۔ پھر پانی اور نمک شامل کریں۔ چاول ڈال کر تقریباً 70 فیصد پکائیں۔ چکن کے تیار شدہ ٹکڑے چاولوں کے اوپر رکھ دیں۔ برتن کو ڈھکن سے اچھی طرح بند کر دیں اور ہلکی آنچ پر 15 سے 20 منٹ تک دم دیں۔ اس دوران چاولوں میں چکن اور مصالحوں کا ذائقہ اچھی طرح شامل ہو جائے گا۔  دم کھولنے کے بعد چاولوں کو آہستگی سے مکس کریں۔ گرم گرم ڈش میں نکالیں۔اوپر سے ہرا دھنیا اور فرائی پیاز ڈالیں۔

سوہن حلوہ

اجزا: دودھ: ایک لیٹر، چینی: ایک کپ، دیسی گھی: آدھا کپ، میدہ: دو بڑے چمچ، لیمن جوس: ایک چمچ، الائچی پاؤڈر: ایک چوتھائی چمچ، بادام، پستہ: حسبِ ضرورت ،باریک کٹے ہوئے۔

ترکیب: ایک دیگچی میں دودھ ڈال کر اسے اچھی طرح ابال لیں۔ جب دودھ ابلنے لگے تو اس میں لیمن جوس اور میدہ شامل کر دیں تاکہ دودھ پھٹ جائے اور اس میں دانے بن جائیں۔ ہلکی آنچ پر پکنے دیں یہاں تک کہ دودھ کا سارا پانی خشک ہو جائے اور وہ کھوئے کی شکل اختیار کر لے۔ اب اس میں چینی اور دیسی گھی شامل کریں۔ ہلکی آنچ پر چمچ چلاتے ہوئے اسے اس وقت تک بھونیں جب تک اس کا رنگ سنہری اور گہرا بھورا نہ ہو جائے اور یہ گھی چھوڑنے لگے۔ آخر میں الائچی پاؤڈر اور کٹے ہوئے بادام ، پستہ ڈال کر  اچھی طرح مکس کرلیں۔

روزنامہ دنیا ایپ انسٹال کریں