بادام ہوں یا روغن بادام ... حسن و خوبصورتی میں اضافے کا باعث
اسپیشل فیچر
بات چہرے کی حفاظت کی ہو یا جلد کی خوبصورتی میں اضافے کی‘ جسمانی طاقت و توانائی کی ہو‘ یا پھر یاداشت بڑھانے کی بادام اور بادام کے تیل کے استعمال کا مشورہ دیا جاتا ہے۔ اس کے بے شمار فوائد کی وجہ سے اسے برسوں سے مختلف مقاصد کے لئے استعمال کیا جارہا ہے۔ایک تازہ امریکی تحقیق کے مطابق بادام کو روزمرہ معمولات میں کھانا چاہئے۔بادام میں پائے جانے والا وٹامن ای‘ کیلشیم‘ فاسفورس‘ فولاد اور میگنیشیم انسانی جسم کو مطلوبہ مقدارمیں معدنیات فراہم کرتا ہے۔ بادام پیٹ کی بیماریوں‘ کھانسی‘ ذیابیطس اور دل کے امراض میں کمی کا سبب بنتا ہے۔آنکھوں کی حفاظت اور نظر کی بہتری کے لئے بادام 15عدد‘سونف 2 چائے کے چمچے اور کالی مرچ 3 عدد‘ نہار منہ دودھ کی ایک پیالی یاپانی کے ہمراہ چبا کر کھا لیں۔جلد کی خوبصورتی کے لئے صدیوں سے بادام کا استعمال عام ہے۔بادام کا استعمال چہرے کے کیل مہاسے ‘داغ دھبے‘ جھائیاںاورکھردرا پن دور کرتا ہے۔ چہرے کی جلد خشک ہو اور کھلے ہوئے مسام ہوں تو روزانہ سونے سے پہلے روغن بادام سے مالش بہت فائدہ مند ہوتی ہے۔ٍمیک اپ کو ترو تازہ رکھنا ہو تو روغن بادام سے بہتر کوئی چیز نہیں ہے۔لپ اسٹک لگانے سے ہونٹ خشک ہوجاتے ہیں ‘ایسے میں اگر لپ اسٹک لگانے سے پہلے تھوڑا بادام روغن ہونٹوں پر لگا لیں تو ہونٹوں پر خشکی کا احساس نہیں ہو تا۔چہرے کو چمک دار بنانا ہو تو گلاب کے عرق میں روغن بادام ملاکر رات کو مالش کی جائے تو چہرہ پر رونق آجاتی ہے۔ہونٹوں کی سیاہ رنگت ختم کرنا ہو تو ہونٹوں پرروغن بادام لگانے سے ہونٹ خوبصورت ہو جاتے ہیں۔ گرمی اور خشکی کی وجہ سے رنگت خراب ہو گئی ہو تو چہرے پر روغن بادام کی مالش کریں۔آنکھوں کے گرد سیاہ حلقے ختم کرنے کے لئے اْنگلی پر روغن بادام لگائیں اور ہلکے ہاتھ سے باہر کی طرف مالش کریں۔رنگت نکھارنے اور چہرہ شاداب بنانے کے لئے باریک پسا ہوا ایک سیب ‘کیلے کے ہرے پتوں کا رس 8قطرے‘ لیموں کے 8قطرے اورعرق گلاب 4قطرے ملا کر رات کو سوتے وقت چہرہ پر ملیں اور صبح تازہ پانی سے منہ دھو لیں۔رنگ گورا کرنے کے لئے 4بادام رات کو پانی میں بھگو دیں ‘صبح انہیں چھیل کر پیس لیں۔اس میں بیسن اور دودھ ایک‘ ایک چائے کا چمچ اور 4قطرے لیموں ملاکر چہرے پر لیپ کریں اور 20منٹ کے بعد چہرہ دھولیں۔چہرے پر چمک لانے کے لئے ایک کھانے کا چمچہ سو کھا ہوا دودھ‘ایک کھانے کا چمچہ شہد‘ ایک کھانے کا چمچہ لیموں کا رس اور½کھانے کا چمچہ بادام کا تیل ملاکر چہرے پر لگائیںاور 15 سے20منٹ کے بعد چہرہ دھولیں۔ اس سے چہرے پرچمک آجائے گی اور چہرہ نکھر جائے گا۔٭…٭…٭
