اسپیشل فیچر

×

اسپیشل فیچر

کھانسی روکنے والی دوائیں

بند کریں

کھانسی روکنے والی دوائیں عموماً شربت کی شکل میں ہوتی ہیں۔ یہ دوائیں دوطرح سے اثر کر کے کھانسی روکتی ہیں: -1پہلی قسم میں کھانسی کے وہ شربت شامل ہیں ،جو بلغم کے اخراج میں مدد کر کے کھانسی روکتے ہیں، مثلاً:ہائیڈریلین Hydryline،پلمونال Pulmonolایمونیم کلورائیڈ Ammonium Choloride-2دوسری قسم کے شربت کھانسی کو روکنے کے لیے استعمال ہوتے ہیں۔ مثلاً:فالکوڈین Pholcodine، ایکٹیفیڈ ڈی ایم Actifed DM مضر اثراتmغنودگی، mبے خوابی، mاعصابی نظام میںگڑبڑ، mسانس لینے میں دشواریاحتیاطmدوازیادہ مقدارمیں استعمال نہ کی جائے۔mدوا لینے کے فوراً بعد گاڑی چلانے یا مشین پر کام کرنے سے پرہیز کیا جائے۔ mدوابچوں کو نہ دی جائے۔ درج ذیل حالتوں میں خاص احتیاط سے استعمال کریں:mہائی بلڈ پریشر mذیابیطس mدل، جگر یا گردوں کی بیماری دوا کی نوعیت اور ضرورت کی اہمیتانسانی جسم کا مدافعاتی نظام بہت مضبوط ہے۔ جب بھی جسم پر کوئی حملہ ہوتا ہے ،تو سب سے پہلے جسم کی کوشش ہوتی ہے کہ اس کا مقابلہ کیا جائے۔ کھانسی کا آنا بھی اسی مدافعاتی نظام کا ایک حصہ ہے۔ کھانسی کے ذریعے سانس کی نالی کے اوپر والے حصے سے جمی ہوئی بلغم باہر نکلتی ہے، جس سے سانس لینا آسان ہو جاتا ہے۔ کھانستے رہنے سے سانس کی نالی صاف ہوتی رہتی ہے۔ اس بلغم کا اخراج نہ ہو تو سانس کی نالیاں تنگ ہو جاتی ہیں اور یوں سانس پھولنے اور دمہ کی بیماری کے حملے ہونے لگتے ہیں۔ اس لیے اس طرح کی کھانسی کو روکنے کے لیے کسی قسم کی دوا کی ضرورت نہیں رہتی۔اصل میں کھانسی کی دوا صرف اور صرف اس وقت استعمال کرنا چاہیے جب اس کے ساتھ دوسری تکالیف ہوں، یعنی بخار یا کوئی اور انفیکشن جن کا علاج بہت ضروری ہے۔ بعض اوقات گرم پانی اور نمک کے غرارے کرنے یا پھر بھاپ لینے سے کھانسی دور ہو جاتی ہے۔ مختلف قسم کی نت نئی کھانسی کی دوائیں حقیقتاً کھانسی روکنے میں ذرا بھی مدد نہیں کرتیں۔ ان کا بے جا استعمال صرف اور صرف پیسے کا ضیاع ہے۔ اس لیے ان کے استعمال سے پرہیز کرنا بہتر ہے۔ آسان اور متبادل علاججیسا کہ پہلے بیان کیا جا چکا کہ کھانسی کم کرنے یا روکنے والے مختلف شربت دیکھنے میں بہت بھلے اور ا چھے لگتے ہیں۔ جیب پہ بھی خاصا بوجھ ڈالتے ہیں، لیکن حقیقت میں ان کا کوئی اثر نہیں ہوتا۔ اس لیے ان سب سے جتنا بھی بچا جائے بہتر ہے۔ تھوڑی بہت کھانسی ہونا فائدہ مند ہے۔ اس سے سانس کی نالی صاف ہوتی رہتی ہے۔ زیادہ کھانسی کی صورت میں مندرجہ ذیل گھریلو علاج فائدہ مند ثابت ہو سکتا ہے: mگرم پانی میں نمک یا ڈسپرین ڈال کر غرارے کریں۔ mصبح دوپہر شام دو چمچ شہد میں چار دانے پسی ہوئی سیاہ مرچ ملا کر استعمال کریں۔ mصبح دوپہر شام ملٹھی استعمال کریں۔ mرات کو سونے سے پہلے کھلے برتن میں گرم پانی ڈال کر اس میں Tinc Benzco کے چند قطرے یا نمک ملا کر بھاپ لیں۔ mزکام کی صورت میں گرم چنے لے کر ان کی بھاپ لیں۔ mشہد ملا ہوا انگور کا جوس، کھانسی کا موثر ترین علاج ہے۔ (ایک کپ انگور کا جوس+ ایک چمچہ شہد) (کتاب ’’ دوا،غذا اور شفاء-نیو ایڈیشن‘‘ سے مقتبس)

روزنامہ دنیا ایپ انسٹال کریں