دوہری ٹھوڑی سے نجات
اسپیشل فیچر
اکثر فربا افراد کی دوہری تھوڑی انہیں پریشان رکھتی ہے۔ اس سے نجات پانے کیلئے درج ذیل طریقوں پر عمل کریں۔-1 سیدھے بیٹھ جائیں اور چھت کی طرف منہ کرلیں اور اپنے منہ کے دہانے کے اوپر والے حصے پر زبان سے دبائو ڈالیں اور اپنی ٹھوڑی کو اپنے سینے کی طرف کریں۔ یہ مشق بیس مرتبہ کریں۔-2 سیدھے رُخ بیٹھ جائیں اور اپنے نچلے ہونٹ کو ڈھیلا چھوڑ کر لٹکانے کی بھرپور کوشش کریں۔ اس کے ساتھ ساتھ اپنی ٹھوڑی کو سینے کی طرف دھکیلیں۔-3 اپنے سر کو چھت کی طرف کرکے جتنا ممکن ہے اپنی گردن کی طرف موڑتے جائیں اور اسی دوران اپنے ہونٹوں کو سختی سے بھنچیں رکھیں۔ یہ پوزیشن 20 سیکنڈ تک برقرار رکھیں۔-4 یہ طریقہ کار بہت مفید ثابت ہوگا۔ صرف اپنی زبان کو ٹھوڑی تک لانے کی کوشش کریں لیکن چہرے کی پوزیشن یوں ہونی چاہیے کہ جیسے کسی نے آپ کا ماتھا پکڑ کر پیچھے کی طرف کیا ہے اور اسے گردن سے لگانے کی کوشش کر رہا ہو۔-5 اپنی ٹھوڑی کو متحرک کریں۔ ایک مرتبہ اپنے سینے کی طرف پھر چہرے کے دونوں اطراف موڑیں۔ یہ مشق تیز رفتاری سے ہونی چاہیے۔-6 اس مشق میں سیدھے کھڑے ہو جائیں۔ دونوں پائوں پھیلالیں اور ایک ہاتھ فرش پر رکھ کر دوسرا ہاتھ اپنی گردن پر رکھیں۔ اب اپنا سر کاندھوں کی طرف موڑیں۔30 سیکنڈ تک یہ مشق جاری رکھیں۔-7 اپنے جبڑوں کو مسلسل حرکت دیں اور ایسے جیسے آپ چیونگم کھا رہے ہوں پھر لمبے لمبے سانس لیں۔ اپنا منہ جتنا کھول سکتے ہیں کھولیں اور زبان کو پچھلے دانتوں سے چھونے کی کوشش کریں۔-8 ایک جبڑے پر انگوٹھا اور دوسرے پر انگلی رکھیں۔ دوسرے ہاتھ سے سر اور گردن پر زور آزمائی کریں۔ گویا ایک ہاتھ سے سر کو پیچھے دھکیلنا ہے اور انگوٹھے اور انگلیوں سے جبڑوں کو دھکیلیں یہ مشق بھی بیس سیکنڈ تک جاری رکھنی ہے۔-9 ٹھوڑی کے مسلز کو بنانے اور اسے دوہرا ہونے سے بچانے کیلئے یہ طریقہ نہایت ہی کارگر ہے۔ اپنا پورا منہ کھولیں اور زبان جتنی باہر نکال سکتے ہیں نکال لیں۔ آپ کو اپنی گردن پر دبائو محسوس ہوگا۔ اس عمل کو دس بار دہرائیں۔-10 سیدھے کھڑے ہو جائیں اور اپنے جبڑوں کو جس طرف چاہیں دھکیلتے جائیں۔ جبڑوں کی حرکت آپ کی ٹھوڑی کو دوہرا ہونے سے بچائے گا۔٭…٭…٭
