ناریل کے فائدے
اسپیشل فیچر
مشہور عام چیز ہے۔ اس کا ذائقہ شیریں خوش مزہ ہوتا ہے۔ اس کا رنگ باہر سے سرخ اور اندر سے سفید ہوتا ہے۔ اس کا مزاج گرم اور خشک دوسرے درجے میں ہوتا ہے۔ اس کی مقدار خوراک دو تولہ ہے۔ اس کی حسب ذیل فوائد ہیں۔ناریل کے فوائد:1-گرتے ہوئے بالوں کی صورت میں کھوپرے یعنی ناریل کا تیل سر پر لگانا خاص طور پر رات کے وقت اور صبح اٹھ کر کسی اچھے صابن سے سر دھو لینا مفید ہوتا ہے۔2- خون صالح پیدا کرتا ہے۔3- کثیر الغذاہونے کی وجہ سے بدن کو فربہ کرتا ہے۔4- جسم کی حرارت اصلی کو قوت دیتا ہے۔5- بینائی کو مضبوط کرنے کیلئے ہر روز نہار منہ کوزہ مصری ہم وزن ناریل کے ہمراہ کھانا بے حد مفید ہے۔6- پیٹ کے کیڑوں کو مارنے کیلئے پرانا ناریل تین ماشہ کھانا مفید ہوتا ہے۔7- ناریل کی داڑھی کی راکھ کو پانی میں گھول کر نتھرا ہوا پانی ہچکی کیلئے بے حد مفید ہوتا ہے۔8- ناریل کا تیل سر پر لگانے سے بال ملائم ہوتے ہیں اور بڑھتے بھی ہیں۔9- ناریل کا تیل اگر روزانہ پلکوں پر لگایا جائے تو وہ بہت ملائم ہو جاتی ہیں۔10- ناریل بخار ذیابیطس (شوگر) کے مرض میں پیاس بجھاتا ہے۔11- اگر نکسیر کی شکایت ہو تو تین ہفتہ دو تولہ ناریل رات کو بھگو کر صبح نہار منہ کھانے سے مرض ہمیشہ کیلئے دور ہو جاتا ہے۔12- فالج‘ لقوہ‘ رعشہ اور وجع مفاصل میں اس کا استعمال بے حد مفید ہوتا ہے۔13-ناریل کے چھلکوں کے جوشاندے سے غرارے کرنے سے دانت مضبوط ہوتے ہیں۔14- قطرہ قطرہ پیشاب آنے میں بے حد مفید ہے۔ اس کا استعمال اس مرض کو جڑ سے اکھاڑتا ہے۔15- دردمثانہ میں بے حد مفید ہے۔16- کچا ناریل بھوک لگاتا ہے اور فوائد کے اعتبار سے زیادہ مفید ہوتا ہے کیونکہ اس کا مزاج سردتر ہوتا ہے۔ کچا ناریل زود ہضم ہوتا ہے۔17- کھانسی اور دمہ میں ناریل کا استعمال بالکل نہیں کرنا چاہئے۔18- مثانہ اور گردے کی کمزوری کو دور کرتا ہے۔19- اگر بند چوٹ ہو تو پرانے ناریل میں ایک چوتھائی ہلدی ملا کر پوٹلی باندھ لیں۔ اس کو گرم کر کے چوٹ کی جگہ ٹکور کرنے سے چوٹ کی درد اور سوجن ٹھیک ہو جاتی ہے۔20- بواسیر اور کثرت حیض میں ناریل کے پوست کا چھلکا جلا کر ایک ماشہ ہمراہ پانی کے لینے سے فائدہ ہوتا ہے۔21- چاول کھانے کے بعد تھوڑا سا ناریل کھا لینے سے چاول فوراً ہضم ہوجاتے ہیں۔22- ناریل کھا کر فوراً پانی نہیں پینا چاہئے۔23- ناریل صفرا کو دور کرتا ہے۔24- یرقان میں مفید ہے۔25- زبان کا مزہ درست کرتا ہے اور قبض پیدا کرتا ہے۔26- کچے ناریل کا پانی پینا پیشاب کی مختلف بیماریوں کو دور کرتا ہے۔27- پھیپھڑوں کے مریض کو ناریل کا دودھ بنا کر پلانا اور کھلانا مفید ہوتا ہے۔
