اسپیشل فیچر

×

اسپیشل فیچر

بتھوا کے فوائد

بند کریں

بتھوا جسے عرف عام میں باتھو بھی کہتے ہیں۔ ایک چھوٹی سی بوٹی ہے جو خود رو ہوتی ہے اور اس کی کاشت بھی کی جاتی ہے۔ پتے لمبے ہنس کے پیر کی شکل کے اورپھول زرد، تخم چھوٹے اور گہرے بھورے رنگ کے ہوتے ہیں۔ عام طور پر اس کے پتے سبزی کے طور پر استعمال کیے جاتے ہیں۔ اس کا ذائقہ پھیکا اور مقدار خوراک بقدر ہضم ہے۔ بتھوا گرم و خشک ہے۔ ملین اور قاتل کرم شکم ہونے کی بنا پر اسے قبض، کرم شکم، ور م جگر، استسقا، یرقان اور عسرالبول میں استعمال کیا جاتاہے۔ اس کو استعمال کرنے کا طریقہ یہ ہے کہ پتوں کا جوشاندہ تیار کرے پلایا جاتا ہے۔ یا پھر بیجوں کا سفوف پانچ سے سات گرام کی مقدار میں تنہایا پتوں کے جوشاندہ کے ساتھ استعمال کیا جاتا ہے۔ اس کے علاوہ اس کا سالن بنا کر بھی کھایا جاتا ہے تاہم بتھوا کے مندرجہ ذیل فوائد ہیں۔یہ زود ہضم اور قبض کو دور کرتا ہے۔ حرارت جگر اور گرم بخاروں میں اس کا استعمال خصوصیت سے مفید ہے بشرطیکہ بطور سالن استعمال کیا جائے۔ اگر دن میں چار یا پانچ مرتبہ بتھوے کے پتوں کا رس برص و پھلبہری کے سفیدداغوں پر لگایا جائے یا پتوں کو داغوں پر مل دیا جائے اور ساتھ ہی اس کا ساگ بطور سالن روٹی کے ساتھ کھایا جائے تو چالیس روز کے اندر برص کے داغ دور یا بہتر ہو جاتے ہیں اور جلد صاف و شفاف ہو جاتی ہے۔بتھوا مثانہ کی پتھری کو توڑتا ہے۔ استعمال کا طریقہ یہ ہے کہ پانچ تولے بتھوے کو کوٹ کر پانی دس تولہ ملائیں اور چھان کر پی لیں۔ اس کے رس میں نمک ملا کر پلانے سے پیٹ کے کیڑے مر جاتے ہیں۔اس کا ساگ بواسیر میں مفیدہے۔اس کے بیجوں کا ابٹن بنا کر استعمال کرنے سے جلد کے مسامات کھل جاتے ہیں اور رنگ نکھر آتا ہے۔ اسے کھانے سے قوت معدہ بحال ہوتی ہے اور بدن میں قوت پیدا ہوتی ہے۔ بلکہ یہ کسی حدتک جسم میں چستی پیدا کرتا ہے۔ اگر پیشاب رک رک کر آئے یا قطرہ قطرہ آئے تو اس کا رس پینے سے یہ مرض ختم ہو جاتا ہے۔ ٭…٭…٭

روزنامہ دنیا ایپ انسٹال کریں