یو ایف سی فائٹر کا آئرلینڈ کا صدارتی الیکشن لڑنے کااعلان
لاہور(سپورٹس ڈیسک )معروف یو ایف سی فائٹر کانر مک گریگور نے آئرلینڈ کے صدارتی انتخابات میں حصہ لینے کا اعلان کردیا۔
اپنے سوشل میڈیا ہینڈل ایکس پر یو ایف سی فائٹر کانر مک گریگور نے امریکی صدر ڈونلڈ ٹرمپ سے ملاقات کے بعد آئرلینڈ کے صدارتی انتخابات میں حصہ لینے کا اعلان کیا،انہوں نے اپنی پوسٹ میں نے لکھا کہ یورپی مائیگریشن پیکٹ، سرحدی سکیورٹی اور تارکین وطن کے خلاف مہم چلانے کا بھی فیصلہ کیا، وہ اگلے صدارتی انتخابات میں حصہ لیں گے تاکہ یورپی مائیگریشن پیکٹ کے خلاف آواز اٹھا سکیں۔ دوسری جانب آئرلینڈ کو 12 جون 2026 تک یورپی مائیگریشن پیکٹ کو مکمل طور پر نافذ کرنا ہوگا، اس کیلئے اب سے 12 جون 2026 کے درمیان، آئرش پارلیمنٹ کے دونوں ایوانوں کو کئی قوانین منظور کرنے ہوں گے ، جن پر صدر کے دستخط بھی درکار ہونگے ،میک گریگور نے مزید کہا کہ میں بطور صدر کی حیثیت سے ، میں اس بل کو ریفرنڈم کیلئے پیش کروں گا اگرچہ میں اس پیکٹ کی سخت مخالفت کرتا ہوں لیکن یہ فیصلہ کرنا نہ تو میرا حق ہے اور نہ ہی حکومت کا، یہ آئرلینڈ کے عوام کا فیصلہ ہونا چاہیے ! یہی حقیقی جمہوریت ہے !۔
