اونچی چٹانوں سے تالاب میں چھلانگ لگانیوالی 9 سالہ بچی
لاہور(نیٹ نیوز)سنگلاخ اونچی چٹانوں پر چڑھ کر بلاخوف چھوٹے سے تالاب میں چھلانگ لگانے والی شمالی وزیرستان کی 9 سالہ بچی نے سب کو حیران کر دیا۔
شوشل میڈیا کے مطابق دلیر اور بہادر باز خالقہ سکول نہ ہونے کے باعث تعلیم سے تو محروم ہے لیکن اس کے شوق کے آگے اونچی چٹانیں حائل نہیں ہوتیں۔باز خالقہ نے نجی ٹی وی سے گفتگو کرتے ہوئے کہا کہ ہمارے یہاں سکول نہیں، ہم بجلی سے محروم ہیں اور صرف بکریاں چراتے ہیں، میری خواہش ہے کہ میں اونچی جگہوں اور چٹانوں سے پانی میں چھلانگ لگاؤں۔شوشل میڈیا کے مطابق دوسری جانب پانی، بجلی اور دوسری بنیادی سہولتوں سے محروم علاقہ مکینوں کا بھی یہی کہنا تھا کہ ان کی بھی خواہش ہے کہ یہاں سکول قائم ہو۔9سالہ خالقہ کی ویڈیوسوشل میڈیاپر وائرل ہورہی ہے ۔
روزنامہ دنیا ایپ انسٹال کریں
