کچرے سے ملنے والی پاس بک نے شہری کو کروڑ پتی بنادیا
لاہور(نیٹ نیوز)چلی سے تعلق رکھنے والے ایک شہری کو کچرے میں والد کی 62 سال پرانی بینک پاس بک ملی جو اس کی زندگی بدل دینے والی چیز ثابت ہوئی۔
ہینوجوسا کے والد نے 1960 اور 70 کی دہائی میں تقریباً 1.4 لاکھ روپے جمع کرائے تھے تاکہ گھر خریدا جا سکے، لیکن ان کی وفات کے بعد خاندان کے کسی فرد کو اس رقم کا علم نہ تھا۔ہینوجوسا کو پاس بک اُس وقت ملی جب وہ گھر کی صفائی کر رہا تھا۔ اگر بینک بند ہو جائے تو حکومت رقم واپس کرنے کی پابند ہوتی ہے ۔ہینوجوسا نے حکومت سے رقم کی واپسی کا مطالبہ کیا، لیکن اسے ابتدائی طور پر انکار کر دیا گیا۔ بعد ازاں اس نے قانونی جنگ لڑی، جس میں آخرکار عدالت نے حکومت کو رقم بمع سود ادا کرنے کا حکم دیا، یوں حکومت نے ہینوجوسا کو 1.2 ملین ڈالر (تقریباً 10 کروڑ 27 لاکھ روپے) واپس کیے۔
روزنامہ دنیا ایپ انسٹال کریں
