عوام کو ایک اور جھٹکا، بجلی کی قیمت میں فی یونٹ 7 روپے 5 پیسے کا بڑا اضافہ

اسلام آباد: (دنیا نیوز) حکومت کی جانب سے بجلی صارفین کو ایک اور جھٹکا، فی یونٹ قیمت میں 7 روپے5 پیسے کا بڑا اضافہ کر دیا گیا۔

نیشنل الیکٹرک ریگولیٹری اتھارٹی (نیپرا) نے نو ٹیفکیشن جاری کر دیا، بجلی کی قیمتوں میں اضافہ ماہانہ فیول ایڈجسٹمنٹ کی مد میں کیا گیا، قیمتوں میں اضافے سے صارفین پر 66 ارب روپے کا اضافی بوجھ پڑے گا۔

نوٹیفکیشن کے مطابق بجلی کی قیمتوں کے اضافے کا اطلاق رواں ماہ کے بلوں پر ہو گا، لائف لائن سمیت کے الیکٹرک صارفین پر اضافے کا اطلاق نہیں ہو گا،بجلی کی قیمتوں میں اضافے کا اطلاق صرف ایک ماہ کیلئے ہوگا۔

ذرائع کے مطابق جنوری میں سب سے مہنگی بجلی ڈیزل سے 45 روپے 60 پیسے فی یونٹ ، فرنس آئل سے 35 روپے 43 پیسے فی یونٹ بجلی پیدا کی گئی ۔

واضح رہے کہ بجلی کی قیمتوں میں حالیہ اضافہ جنوری کی فیول کاسٹ ایڈجسٹمنٹ کی مد میں کیا گیا ہے۔

Advertisement
روزنامہ دنیا ایپ انسٹال کریں