ملک بھر میں پٹرولیم مصنوعات کی طلب 5 ماہ کی کم ترین سطح پہنچ گئی

لاہور: (ویب ڈیسک) ملک بھر میں پٹرولیم مصنوعات کی طلب 5ماہ کی کم ترین سطح پہنچ گئی ہے۔

رپورٹ کےمطابق پٹرولیم مصنوعات کی طلب فروری میں 5 ماہ کی کم ترین سطح 1.12 ملین ٹن پر پہنچ گئی، جس کی بنیادی وجہ پٹرولیم مصنوعات کی قیمتوں میں اضافہ، صنعتی سرگرمیوں میں کمی، زرعی ٹیوب ویلز کی سولر پر منتقلی اور فرنس آئل سے چلنے والے پاور پلانٹس کے بجائے مقامی کوئلے سے چلنے والے پاور پلانٹس اور نیو کلیئر پاور پلانٹس کی پاور سسٹم میں شمولیت ہے۔

فروری کے مہینے میں سالانہ بنیادوں پر پٹرولیم مصنوعات کی طلب میں 8 فیصد جبکہ ماہانہ بنیادوں پر19 فیصد کمی ریکارڈ کی گئی ہے، مجموعی طور پر رواں مالی سال کے پہلے8 ماہ جولائی تا فروری کے دوران پٹرولیم مصنوعات کی طلب 13 فیصد کمی کے ساتھ 10.18 رہ گئی ہے جو کہ گزشتہ سال کے اسی عرصے کے دوران 11.69 ملین ٹن رہی تھی۔

 

Advertisement
روزنامہ دنیا ایپ انسٹال کریں