پاکستان سٹاک مارکیٹ میں تیزی، انڈیکس ایک لاکھ 16 ہزار پوائنٹس کی حد پر بحال
کراچی: (دنیا نیوز) پاکستان سٹاک مارکیٹ میں مثبت رجحان کے باعث انڈیکس ایک لاکھ 16 ہزار پوائنٹس کی حد پر بحال ہوگیا۔
کاروباری ہفتے کے پہلے روز کاروبار کے آغاز پر ہی سٹاک ایکسچینج میں زبردست تیزی دیکھنے میں آئی۔
ٹریڈنگ کے دوران 1000 سے زائد پوائنٹس کے اضافے کے ساتھ پاکستان سٹاک مارکیٹ میں ہندرڈ انڈیکس ایک لاکھ 16 ہزار 626 پوائنٹس کی سطح پر پہنچ گیا، جبکہ کم سے کم ترین سطح ایک لاکھ 15 ہزار 883 پوائنٹس رہی۔
تاہم کاروباری دن کے اختتام پر سٹاک ایکسچینج میں 663 پوائنٹس کے اضافے کے ساتھ ہنڈرڈ انڈیکس ایک لاکھ 16 ہزار 199 پوائنٹس کی سطح پر بند ہوا۔
واضح رہے کہ گزشتہ کاروباری ہفتے کے آخری روز کاروبار کے اختتام پر سٹاک ایکسچینج میں انڈیکس 441 پوائنٹس اضافے کیساتھ ایک لاکھ 15 ہزار 536 پوائنٹس کی سطح پر بند ہوا تھا۔
