پاک چین اقتصادی تعاون کے نئے دور کا آغاز، سی پیک کےاربوں ڈالرز معاہدے چند قدم دور
کراچی : (دنیا نیوز) پاک چین اقتصادی تعاون کے نئے دور کا آغاز کر دیا گیا ہے۔
پاک چین تجارت، ڈیجیٹل معیشت، صنعتی اشتراک کیلئےمشترکہ اکنامی ہیڈکوارٹربنانے کا اعلان کر دیا گیا، سی پیک کامیابی کیلئے ملکی تاریخ میں پہلی بار چین کا 52 رکنی اعلیٰ سطحی کاروباری وفدپہنچنا شروع ہو گیا ہے۔
پاک چائنا بزنس کاؤنسل کے مطابق ہائی پروفائل چینی وفد کا دورہ 8 سے 14 مئی تک جاری رہے گا، چین کا اعلی سطحی بزنس وفد اسلام آباد، لاہور، کراچی کے دوروں میں بی ٹو بی معاہدےکرے گا جبکہ چینی وفد ای کامرس، ٹیلی کام، سولر، انرجی سیکٹرز کے اہم معاہدے کریگا علاوہ ازیں آئی بی آئی پاکستان ڈیجیٹل اکنامی پروگرام کے ذریعے وفد انجینئرنگ، کیمیکل، ٹیکسٹائل، بلڈنگ مٹیریل کے اہم معاہدے کرے گا۔
پاک چائنا بزنس کاؤنسل نے بتیا کہ اعلیٰ سطحی چینی وفد سےالیکٹرک وہیکل، میڈیکل،صنعتی آلات کے اہم معاہدےبھی ہوں گے، چینی وفد سےفیڈریشن چیمبر آف کامرس سمیت کراچی، لاہوراور اسلام آباد چیمبرز کی ملاقاتیں طے ہیں جبکہ چینی وفدسےاہم ملاقات میں جی ٹو جی معاہدے بھی متوقع ہیں۔
ڈیجیٹل ایکو سسٹم ایس ای کے مطابق چینی وفد آئی بی آئی پاکستان ڈیجیٹل اکنامی کےتحت سرمایہ کاری کے لیے فنڈنگ کرے گا۔
