سری لنکا کیخلاف ون ڈے سیریز، راشد خان پہلے 2 میچز سے باہر ہوگئے
کابل: (ویب ڈیسک) سری لنکا کیخلاف ون ڈے سیریز میں افغانستان کے لیگ سپنر راشد خان پہلے 2 میچز سے باہر ہوگئے۔
افغانستان کرکٹ بورڈ کے مطابق سری لنکا کیخلاف ایک روزہ میچز کی سیریز سے قبل راشد خان انجری کا شکار ہوگئے ہیں، راشد خان کمر کی تکلیف میں مبتلا ہیں جنہیں مکمل آرام کا مشورہ دیا گیا ہے۔
افغان کرکٹ بورڈ کی جانب سے امید ظاہر کی گئی ہے کہ راشد خان تیسرے ون ڈے میچ میں ٹیم کو دستیاب ہوں گے۔
دونوں ٹیموں کے درمیان ہمبنٹوٹا میں شیڈول 3 ایک روزہ میچز کی سیریز کا پہلا میچ رواں ماہ کی 2 تاریخ کو، دوسرا 4 اور تیسرا میچ 7 جون کو کھیلا جائے گا۔
