ڈی آئی خان: سکیورٹی فوسرز کے سرچ آپریشن کے دوران 2دہشتگرد ہلاک
ڈیرہ اسماعیل خان: (دنیا نیوز) ڈیرہ اسماعیل خان کی تحصیل کلاچی کے گاﺅں گرہ جہان خانی میں سکیورٹی فوسرز کے ساتھ فائرنگ کے تبادلے میں دو دہشت گرد ہلاک ہوگئے۔
سکیورٹی فورسز کے سرچ آپریشن کے دوران دہشت گردوں نے فائرنگ کر دی، فائرنگ کے تبادلے میں 2 دہشتگرد ہلاک ہوگئے۔
پولیس کے مطابق دہشت گردوں اور سیکورٹی فورسز کے مابین فائرنگ کے تبادلے کے دوران دھماکا بھی ہوا، ہلاک دہشت گردوں کی شناخت خیام اور دلاور کے نام سے ہوئی جبکہ ہلاک دونوں دہشتگردوں کا تعلق تحصیل کلاچی سے تھا۔
ذرائع کا کہنا ہے کہ سکیورٹی فورسز علاقے کو کلیئر کر رہی ہیں۔
