پشاور میں دوستی کے تنازع پر فائرنگ سے خواجہ سرا جاں بحق
پشاور: (دنیا نیوز) فقیر آباد تھانے کی حدود شگئی پل کے قریب دوستی کے تنازع پر فائرنگ کے واقعے میں خواجہ سرا جاں بحق ہو گیا۔
پولیس کے مطابق مقتول کی شناخت باسط عرف بجلی کے نام سے ہوئی ہے، واقعے کا مقدمہ ملزم وقار عرف شینا کے خلاف درج کر لیا ہے۔
یہ بھی پڑھیں: 2025ء میں خیبرپختونخوا میں 15 خواجہ سرا قتل کئے گئے: پولیس
ایف آئی آر کے متن کے مطابق وقار اور مقتول کے درمیان دوستی تھی اور ملزم ملاقات کیلئے آیا تھا، دورانِ ملاقات دونوں کے درمیان تکرار ہوئی، جس کے بعد ملزم نے فائرنگ کر کے باسط عرف بجلی کو قتل کر دیا۔
پولیس کا کہنا ہے کہ واقعے کی مزید تفتیش جاری ہے جبکہ ملزم کی گرفتاری کیلئے چھاپے بھی مارے جا رہے ہیں، خواجہ سرا تنظیم کے مطابق خیبرپختونخوا میں گزشتہ پانچ سالوں کے دوران 150 سے زائد خواجہ سراؤں کو قتل کیا جاچکا ہے۔
