اردو زبان بولنے میں دقت! مداحوں کی شازیل شوکت پر شدید تنقید
لاہور: (ویب ڈیسک) پاکستان ڈرامہ انڈسٹری کی خوبرو اداکارہ شازیل شوکت اردو زبان بولنے میں درپیش دقت کے سبب تنقید کی زد میں آگئیں۔
سوشل میڈیا پر ایک ویڈیو وائرل ہورہی ہے جس میں اداکارہ بتا رہی ہیں کہ انہیں کب سب سے زیادہ شرمندگی کا سامنا کرنا پڑتا ہے۔
ویڈیو میں اداکارہ بتا رہی ہیں کہ جب میں اردو صحیح نہیں بولتی تو مجھے بہت شرمندگی ہوتی ہے، جب میں خراب طرح اردو بولتی ہوں تو مجھے اچھا نہیں لگتا۔
اس ویڈیو پر صارفین نے تبصرہ کرتے ہوئے اداکارہ کو آڑے ہاتھوں لے لیا، صارفین نے شازیل شوکت پر کڑی تنقید کر ڈالی۔
ایک صارف نے اداکارہ پر تنقید کرتے ہوئے لکھا کہ اسی اردو کی وجہ سے لاکھوں کما رہی ہیں باجی اور فیم الگ، ایک صارف نے لکھا کہ اردو ہی تو بول رہی ہو بلکہ انگریزی کا مسئلہ لگ رہا ہے۔
