مفتی عبدالقوی تمام اداکاراؤں کی خفیہ نگرانی کرتے ہیں: وینا ملک
لاہور: (ویب ڈیسک) معروف پاکستانی اداکارہ و میزبان وینا ملک نے کہا ہے کہ مفتی عبدالقوی تمام اداکاراؤں کی خفیہ نگرانی کرتے ہیں۔
حال ہی میں اداکارہ وینا ملک ایک پوڈ کاسٹ میں بطور مہمان شریک ہوئیں جہاں انہوں نے نجی زندگی اور شوبز سمیت مختلف موضوعات پر کھل کر اظہار خیال کیا۔
پوڈ کاسٹ کے دوران ایک سوال کے جواب میں وینا ملک کا کہنا تھا کہ بھارتی ریئلٹی شو بگ باس میں کام کر کے بہت مزہ آیا لیکن اس پروگرام میں کام کرنے پر مجھے دھمکیوں کا سامنا بھی کرنا پڑا۔
انہوں نے کہا کہ شو کا حصہ بننے سے قبل ایک تحریری معاہدہ ہوتا ہے،جس میں ہر چیز واضح لکھی جاتی ہے، بگ باس کی شوٹنگ کے لیے 56 کیمرے گھر کے اندر اور اتنے ہی کیمرے گھر کے باہر ہوتے ہیں جو ہر وقت ہر کسی کی ہر چیز ریکارڈ کر رہے ہوتے ہیں۔
ایک سوال کے جواب میں وینا ملک کا کہنا تھا کہ اس شو میں کام کرنے پر مجھے مفتی عبدالقوی نے بہت تنقید کا نشانہ بنایا، اس پر میں نے مفتی عبدالقوی سے سوال کیا تھا کہ آپ کو کیسے پتا چلا کہ میرے ساتھ کیا کیا ہوا؟
میزبان نے سوال کیا کہ مفتی عبدالقوی نے سوال اٹھایا تھا کہ کیا وینا ملک اپنے بچوں کے ساتھ "بگ باس" دیکھ سکتی ہیں؟
اداکارہ نے جواب دیا کہ میرے بچوں کو میری ہر چیز کا علم ہے، میرے بچے میرے بارے ہر معلومات رکھتے ہیں اور میرے ساتھ بیٹھ کر بگ باس سمیت ہر چیز دیکھتے ہیں۔
