نیوز الرٹ
  • بریکنگ :- ایسےمعاملات میں قومی مفاد کوذاتی مفاد پرمقدم رکھناچاہیے، حمزہ شہباز
  • بریکنگ :- ہماری مفاہمت یہ ہےشفاف الیکشن ہوں اورسب کویکساں موقع ملے،حمزہ شہباز
  • بریکنگ :- آئندہ الیکشن میں سب کوایک جیساپلیٹ فارم ملنا چاہیے،حمزہ شہباز
  • بریکنگ :- آرمی چیف کی ایکسٹینشن کےمعاملے میں ابہام نہیں، حمزہ شہباز
  • بریکنگ :- معاملےپرپارلیمنٹ میں ووٹ دینے کا فیصلہ پارٹی قیادت کاتھا، حمزہ شہباز
  • بریکنگ :- یہ درست فیصلہ تھا، قوموں کی زندگی میں ایسےفیصلے ہوتےہیں،حمزہ شہباز
  • بریکنگ :- گزشتہ الیکشن شفاف نہیں تھا، آئندہ الیکشن شفاف ہونےچاہئیں،حمزہ شہباز
  • بریکنگ :- ہم سیاسی جدوجہد پر یقین رکھتے ہیں،اپوزیشن لیڈر پنجاب اسمبلی
Coronavirus Updates

'بھارت نے مقبوضہ کشمیر کو جیل بنا دیا، اقوام متحدہ نہتے کشمیریوں پر مظالم بند کرائے'

پاکستان

لاہور: (دنیا نیوز) شہباز شریف نے کہا ہے کہ بھارت نے مقبوضہ کشمیر کو جیل بنا دیا، اقوام متحدہ نہتے کشمیریوں پر مظالم بند کرائے۔

پاکستان مسلم لیگ (ن) کے صدر اور قائد حزب اختلاف شہبازشریف نے مقبوضہ جموں و کشمیر کے عوام کے ساتھ اظہار یکجہتی کرتے ہوئے کہا کہ 5 اگست 2019 کے غیر قانونی بھارتی اقدامات کو دو سال ہوگئے، عالمی برادری اور ادارے بھارت کو اس کے ظلم اور قانون شکنی پر کٹہرے میں کھڑا کریں، ان شاءاللہ وہ وقت دور نہیں جب بھارت کو بھی مقبوضہ جموں و کشمیر سے اسی طرح جانا پڑے گا، جس طرح انگریز سامراج برصغیر سے جانے پر مجبور ہوا تھا۔

شہباز شریف کا کہنا تھا کہ بھارت نے مقبوضہ کشمیر کو جیل بنا دیا، ظلم و ستم کی انتہاء کر دی، سلامتی کونسل نشستند، گفتند، برخاستند تک محدود رہی، دو سال میں بھارت نے کھلم کھلا مقبوضہ کشمیر میں من مانیاں جاری رکھیں اور کشمیریوں پر ظلم کے پہاڑ توڑے، 5 اگست 2019 سے مودی نے بہادر کشمیریوں پر نفسیاتی دباؤ پیدا کیا لیکن وہ کشمیریوں کا آہنی عزم متزلزل نہیں کرسکا، نہ کر سکے گا، اہل پاکستان کشمیر کاز پر مظلوم کشمیریوں کی امنگوں اور مفادات کی ترجمانی کرتے رہیں گے۔
 

Advertisement
روزنامہ دنیا ایپ انسٹال کریں